SamDVMCHBU Korrupsiyaga qarshi kurashish “Komplayens nazorat” tizimini boshqarish boʻlimi tomonidan Biotexnologiya fakulteti 1-bosqich talabalari bilan shu mavzuda seminar va ijtimoiy so‘rovnoma o‘tkazildi.

    Seminar davomida boʻlim boshlig‘i F.Turayev universitetda korrupsiyaga qarshi murosasiz munosabatda boʻlish muhitini yaratish, bunda talaba-yoshlar ishtirokini kengaytirish muhimligi haqida to‘xtalib, “Korupsiyaga oid jinoyatlar” moddalari, “Korrupsiyaga qarshi kurashish sohasida qabul qilingan normativ-huquqiy hujjatlar” tushuntirib berildi.  Fanlardan yakuniy baholashlarni o‘tkazish vaqtida shaffoflikni ta’minlash maqsadida targ‘ibot va tashviqot ishlarini olib borish muhimligi aytib o‘tildi.

     Tadbir yakunida yig‘ilish qatnashchilari o‘zlarini qiziqtirgan barcha savollar yuzasidan to‘liq javob oldilar va fikr va mulohazalari eshitildi.