Bugun, 18-oktabr — buyuk tarix, boy madaniyat va betakror go‘zallik timsoli bo‘lgan qadimiy va navqiron Samarqand shahrining kuni! Barchangizni ushbu qutlug‘ sana bilan chin dildan tabriklaymiz!

    Samarqand — bu dunyo tamadduni rivojiga beqiyos hissa qo‘shgan shaharlardan biri, ulug‘ allomalar yurti, o‘zining me’morchiligi, san’ati va madaniy merosi bilan faxrlanadigan diyor. Bugun esa u — zamonaviy infratuzilma, tinchlik va taraqqiyotga yo‘g‘rilgan, mehmondo‘st va bag‘rikeng xalq yashaydigan go‘zal maskandir.

    Shaharimiz ravnaqi, xalqimiz farovonligi yo‘lida halol mehnat qilayotgan har bir insonni ehtirom bilan qadrlaymiz. Yangi marralar sari ilgarilab borayotgan Samarqand har birimiz uchun faxr manbai bo‘lib qolaveradi.

Xudaynazar YUNUSOV,
SamDVMCHBU rektori, professor QR qishloq xo'jaligi fanlar akademiyasi akademigi

Samarqand shahri kuni muborak bo‘lsin!