O‘ZBEKISTON–XITOY HAMKORLIGIDA YANGI BOSQICH: ILM-FAN VA ISHLAB CHIQARISH INTEGRATSIYASI
Samarqand davlat veterinariya meditsinasi, chorvachilik va biotexnologiyalar universitetida China-SCO Institute of Economy and Trade Qingdao kompaniyalar guruh vakillari tashrif buyurib, universitet rektori Yunusov Xudaynazar Beknazarovich bilan rasmiy uchrashuv o‘tkazdi.
Uchrashuv davomida veterinariya preparatlari, akvakultura hamda vaksinalar yo‘nalishlarida o‘zaro hamkorlik masalalari muhokama qilindi. Tashrifda ishtirok etgan kompaniyalar Xitoyning o‘z ishlab chiqarish quvvatlariga ega bo‘lgan yetakchi va xalqaro miqyosda tan olingan tashkilotlar ekani alohida ta’kidlandi.
Delegatsiya tarkibida:
Li Zehang – Xitoy-ShHT Iqtisodiyot va Savdo Instituti, Samarqand markazi direktori
Song Anze – direktor o‘rinbosari
Zhang Shuren – Qingdao Zhongren Aolan Bioengineering kompaniyasi raisi
Qu Tiangui – Tianrui Technology Group raisi
Xu Yunlong – Qingdao Dongfang Pharmaceutical bosh direktori
Shao Yaodong – Qingdao Kangdien Animal Pharmaceutical savdo bo‘yicha bosh direktori
Li Hua – Qingdao Zhongren Animal Pharmaceutical bosh direktor o‘rinbosari
Zang Xueyun – bosh direktor o‘rinbosari
Muzokaralar doirasida quyidagi ustuvor yo‘nalishlar belgilab olindi:
qo‘shma ilmiy laboratoriyalar tashkil etish
veterinariya dori vositalarini birgalikda ishlab chiqish
ilg‘or Xitoy texnologiyalarini joriy etish
chorvachilik sohasidagi dolzarb muammolarga innovatsion yechimlar ishlab chiqish
Shuningdek, hayvonlar kasalliklarining oldini olish va nazorat qilish, ilmiy-tadqiqot ishlarini rivojlantirish hamda amaliyotga yo‘naltirilgan loyihalarni amalga oshirish masalalariga alohida e’tibor qaratildi.
Mazkur uchrashuv universitetimizning xalqaro hamkorlik aloqalarini kengaytirish, zamonaviy texnologiyalarni joriy etish hamda chorvachilik sohasini rivojlantirishda muhim qadam bo‘lib xizmat qiladi.
Kelgusida tomonlar o‘rtasida qo‘shma loyihalarni amaliy bosqichga olib chiqish, innovatsion ishlanmalarni tijoratlashtirish hamda ilm-fan va ishlab chiqarish integratsiyasini mustahkamlash rejalashtirilmoqda.