Samarqand davlat veterinariya meditsinasi, chorvachilik va biotexnologiyalar universitetining o‘quv-tajriba maydonida yetishtirilgan limonlar pishib yetildi.

Universitet rektori, professor Yunusov Xudaynazar Beknazarovich ishtirokida o‘quv-tajriba maydonidagi limonzor holati bilan tanishildi. Yetishtirilgan hosil ko‘zdan kechirilib, limonlarni terimga tayyorlash va realizatsiya qilish masalalariga e’tibor qaratildi.

Mazkur jarayon universitetda ta’lim va amaliyot uyg‘unligini ta’minlash, o‘quv-tajriba maydonlaridan samarali foydalanish hamda talabalarning amaliy bilim va ko‘nikmalarini rivojlantirish borasidagi ishlarning bir qismidir.