“DOLZARB 90 KUN” LOYIHASI DOIRASIDA SAMDVMCHBUDA “TALABALAR KECHASI” TASHKIL ETILDI
Universitet Yoshlar bilan ishlash, ma’naviyat va ma’rifat bo‘limi tashabbusi bilan talabalarning bo‘sh vaqtlarini mazmunli o‘tkazish, ijodiy va madaniy salohiyatini ro‘yobga chiqarish maqsadida Talabalar turar joyida “Talabalar kechasi” tashkil etildi.
O‘zaro do‘stona muhitda o’tgan kechadada talabalar ijrosida turli kuy-qo‘shiqlar ijro etildi. “Zakovat” intellektual o’yini, rasmlar chizish va “Kitobxon talaba” tanlovlarida o‘z iste’dodlarini namoyish etib, sportning stol tennis, shaxmat, arqon tortish, tosh ko'tarish turlarida o‘zaro bellashishdi.
Shuningdek, "Talabalar kechasi" doirasida o'zbek milliy taomi osh tayyorlanib, tarqatildi.
Kechaning eng yorqin qismida universitet rektori X.Yunusov talabalar bilan bir dasturxon atrofida samimy suhbat qurib, hayotiy taassurotlari va orzulari bilan o‘rtoqlashdi.
